Bakı-Quba yolunun Sumqayıtdan keçən hissəsində baş verən qəzada yaralanan şəxs ölüb.
Sumqayit24.az xəbər verir ki, yol-nəqliyyat hadisəsi 27 iyul tarixində qeydə alınıb. Qəza nəticəsində ciddi bədən xəsarətləri alan 72 yaşlı Bəxtiyar Səmədov Sumqayıt Şəhər Təcili Tibbi Yardım Xəstəxanasına yerləşdirilmişdi.
Həkimlərin bütün səylərinə və göstərilən tibbi yardımlara baxmayaraq, o, aldığı xəsarətlərin ağırlığı səbəbindən dünən gecə saatlarında vəfat edib.
Faktla bağlı müvafiq araşdırmalar aparılır.
