Sumqayıt şəhərinin Tarixi Muzeyinin kollektivi Vətən müharibəsi qazisini ziyarət ediblər. Bu haqda bu gün, 20 aprel tarixində Regional Mədəniyyət İdarəsinə istinadən xəbər veririk.
Muzeyin əməkdaşları qazi Qəhrəman Ağacanovun ailəsinə baş çəkib, onların qayğıları ilə maraqlanlıblar.
Qəhrəman Ağacanov 24 oktyabr 2000-ci ildə Sumqayıt şəhərində anadan olub. Qəhrəman 3 iyul 2019-cu ildə həqiqi hərbi xidmətə çağırılıb. Müharibə başlayanda Füzuli rayonuna göndərilib, artilleriya topçusu olub. O, döyüş zamanı verilən bütün təlimatları yerinə yetirmiş və komandirin bütün əmrlərinə əməl edərək nümunəvi əsgər olmuşdur. Cəsur döyüşçümüz 8 noyabr - Şuşanın azad edildiyi gün yaralanıb.
Qəhrəman Ağacanov “Cəbrayılın azad olunmasına görə”, “Xocavəndin azad olunmasına görə”, “Şuşanın azad olunmasına görə” və “Cəsur döyüşçü” medalları ilə təltif edilib.
