Xəbər verdiyimiz kimi, Sumqayıt şəhərinin Bulvar küçəsində orta təzyiqli 108 millimetrlik qaz xəttində sızmanın aradan qaldırılması məqsədilə bu gün saat 12:00-dan etibarən, 550 abonentin qaz təminatının müvəqqəti dayandırılacağı açıqlanıb.
Lakin Sumqayit24.az-a müraciət edən sakinlər iddia edirlər ki, qaz verilişi rəsmi açıqlamada göstərildiyi kimi saat 12:00-da deyil, artıq səhər saat 09:00-dan kəsilib.
Sakinlər vaxtından əvvəl xəbərdarlıq edilmədən qazın dayandırılmasına etiraz edərək məsələ ilə bağlı aidiyyəti qurumlardan açıqlama gözləyirlər.
