Sumqayıt sakini qazi Şəhriyar Babayevin probleminə məsul qurum tərəfindən aydınlıq gətirilib. Sumqayıt24 bu haqda RealTV-yə istinadən xəbər verir.
Məlumata əsasən, 44 günlük Vətən müharibəsi qazisi 31 yaşlı Babayev, Ağdərə istiqəmətində yaralanmışdır. Bu səbəbdən o, bir müddət ayaq üstündə dura bilmirdi. Onu, bel nahiyəsində peydə olan kəskin ağrılar bu günədək narahat edir. Qazinin əsas problemlərindən biri əlillik təyinatıdır.
Dövlət Tibbi-Sosial Ekspertiza və Reabilitasiya Agentliyindən bununla bağlı açıqlama verilib. Bildirilib ki, Şəhriyar Babayev agentlikdə əyani şəkildə müayinə olunub. Bu zaman müəyyən edilib ki, qazinin hazırkı vəziyyətinin qiymətləndirilməsi, eyni zamanda xəstəlik tarixinin dəqiqləşdirilməsi üçün aidiyyəti qurum tərəfindən sənəd təqdim edilməlidir. Həmin sənəd təqdim olunduqdan sonra, onun əlilliyi qanunvericiliyə uyğun olaraq qiymətləndiriləcək.
