Fövqəladə Hallar Nazirliyi (FHN) noyabrın 15-16-da gözlənilən qeyri-sabit hava şəraiti ilə əlaqədar əhaliyə müraciət edib.
Qurumdan Sumqayit24.az-a verilən məlumata görə, güclü külək, intensiv yağış, şimşək, dağ çaylarında isə sel və daşqın gözlənilir.
FHN güclü külək zamanı reklam lövhələri, elektrik dirəkləri və hündür ağaclardan uzaq durmağı, intensiv yağış zamanı sel və subasma təhlükəsi olan ərazilərə yaxınlaşmamağı tövsiyə edib. Həmçinin, ildırım çaxarkən elektrik cihazlarını şəbəkədən ayırmaq, açıq ərazidə hündür ağacların altında daldalanmamaq və kiçikhəcmli gəmilərlə dənizə çıxmamaq barədə xəbərdarlıq edilib.
