Azərbaycan Kubokunun 1/8 final mərhələsində "Sumqayıt" futbol klubunun rəqibi bəlli olub.
Sumqayit24.az xəbər verir ki, komanda bu mərhələdə Ağdamın "Qarabağ" klubu ilə üz-üzə gələcək. Qarşılaşma 2 dekabr saat 19:00-da Mehdi Hüseynzadə adına Sumqayıt şəhər stadionunda keçiriləcək.
Qeyd edək ki, görüş "CBC Sport" telekanalı vasitəsilə canlı yayımlanacaq və oyunda VAR sistemi tətbiq olunacaq.