Sumqayıtda “Qisasın alındı, Xocalı!” adlı tir atıcılığı turniri keçirilib. Bu haqda bu gün, 23 fevral tarixində Gənclər və İdman Baş İdarəsi məlumat yayıb.
Yarışma 1 nömrəli İxtisaslaşdırılmış Olimpiya Ehtiyatları Uşaq-Gənclər İdman-Şahmat məktəbinin meydançasında təşkil olunub. Turnirdə 12 komanda iştirak edib. Onlar 10 metr məsafədəki hədəfi dəqiq nişanalma mübarizəsində öz bacarıqlarını sınayıblar.
Yekün nəticələrə əsasən 4 nömrəli məktəbin “Şuşa” komandası 1-ci, 15 nömrəli məktəbin “Snayper” komandası 2-ci və Texniki və Təbiət Elmləri Liseyinin “Od Ərlər” komandası 3-cü yeri qazanıblar.
Qalib komandalar fəxri fərman, medal və hədiyyələr ilə təltif olunublar.
