Bu gün – 11 oktyabr, dünyanın hər yerində Beynəlxalq Qızlar Günü kimi qeyd olunur. Bu gün gələcəyin liderləri, alimləri, müəllimləri, həkimləri, sənətkarları və qəhrəman qadınları olacaq bütün qızlara həsr edilib.
Qızlar cəmiyyətin işıqlı tərəfidir. Onlar hər evə sevgi, hər xalqa ümid, hər gələcəyə güc gətirirlər. Onların təhsili, azadlığı və inkişafı — bəşəriyyətin sabahıdır.
Sumqayıtlı, bakılı, naxçıvanlı, şəki və lənkəranlı – fərqi yoxdur, hər qız parlayan bir ulduzdur. Qızlarımızın arzuları sönməsin, təhsilləri yarımçıq qalmasın, səsləri hər zaman eşidilsin.
Unutmayaq ki, bir qızın güclənməsi, bütöv bir millətin güclənməsidir.
Bütün qızlarımızı – istedadlı, mərd, arzulu və iradəli – bu gözəl gün münasibətilə təbrik edirik!
