Sumqayıtın dəniz sahili təmizlənib.
Sumqayit24.az xəbər verir ki, təmizlik aksiyası Ekologiya və Təbii Sərvətlər Nazirliyinin dəstəyi ilə Qobu qəsəbəsinin Ə.İbrahimov adına 2 nömrəli tam orta məktəbinin şagirdləri və deputat Nigar Məmmədova tərəfindən təşkil olunub.
Deputat qeyd edib ki, Sumqayıt şəhəri sahilyanı ərazisinin tullantılardan təmizlənməsi aksiyasının əsas məqsədi Xəzər dənizinin biomüxtəlifliyinin mühafizəsinə töhfə vermək, ərazilərin məişət tullantılarından təmizlənməsini təmin etmək, ətraf mühitin qorunması və ictimai şüurun artırılması istiqamətində məktəbliləri maarifləndirməkdir.
“Uşaqların böyük həvəslə bu işdə iştirak etməsi göstərdi ki, gələcəyimiz olan gənc nəsil təbiətə biganə deyil. Biz inanırıq ki, bu kimi aksiyalarla həm ekoloji şüur formalaşacaq, həm də hər bir uşaq ətraf mühitin qorunmasında özünü məsuliyyətli vətəndaş kimi hiss edəcək”, – deyə o vurğulayıb.
