Sumqayıtda yerləşən “Qurd dərəsi” yaşayış massivinin sakinlərini kommunal probləmlər narahat edir. Bu haqda bu gün, 7 iyun tarixində oxucular Sumqayıt24-ə məlumat verib.
Adıçəkilən ərazi Sumayıtdan cəmi 2-3 km məsafədə yerləşsə də, burada hələ də “PAZ” avtobuslarını görmək mümkündür. Sürücülərin sözlərinə görə, massivin asfaltsız yolları avtomobillərə ziyan vurur.
Bundan əlavə, əksər hallarda taksiçilər də qəsəbəyə gəlməkdən çəkinir.
10 minə yaxın sakini olan massivin yaxınlığında aptek və böyük market belə mövcud deyil.
Həmçinin burada işıq dirəkləri olmadığından küçələr, sakinlərin öz vəsaitləri hesabına evlərinin önündə quraşdırığı zəif plafonlarla işıqlandırılır.
Bu problemlərin arasında insanları daha çox narahat edən məsələ isə mərkəzi kanalizasiya xəttinin olmamasıdır:
“Öz hesabımıza şambo düzəlmişik, və çirkab suları təmizləmək üçün 2-3 aydan bir əlavə pul ödəyirik. Aidiyyəti qurumlara dəfələrlə müraciət etsək də, problemlərimiz hələ də həllini tapmayıb”, - deyə sakin bildirib. [modula id="16350"]
