Sumqayıtda quş qripi ilə bağlı aparılan epizootoloji monitorinqlərin nəticələri açıqlanıb. Sumqayıt24 bu haqda Qida Təhlükəsizliyi Agentliyinə (AQTA) istinadən xəbər verir.
Sənaye əsaslı müxtəlif həcmli müəssisələrdə quşlardan müayinə üçün qan nümunələri götürülüb. Quş damlarına baxış keçirilib və epizootoloji məlumatlar toplanıb.
Nümunələr Mərkəzi Baytarlıq Laboratoriyasında müayinə edilib. Yüksək patogen quş qripi xəstəliyinin törədicisinə və xəstəliyə şübhəli klinik əlamətləri olan quşa rast gəlinməyib.
