Sumqayıtda 1 ailənin həlak olduğu qəza baş verib. Sumqayıt24 bu haqda Bizim.media.az-a istinadən xəbər verir.
Hadisə Bakı-Quba-Rusiya yolunun H.Z. Tağıyev qəsəbəsindən keçən hissəsində qeydə alınıb. Belə ki, Bakı sakini, 37 yaşlı Seymur Əliyev idarə etdiyi "Mercedes" markalı avtomobillə metal konstruksiyalı arakəsməyə çırpılıb. Nəticədə avtomobil körpüdən aşıb.
Qəza zamanı sürücü, onun həyat yoldaşı Fidan Ələkbərova və 1 yaşlı övladı Həmzə Əliyev hadisə yerində ölüblər.
Qeyd edək ki, qəza nəticəsində ölən Fidan Ələkbərovanın bacısı, ailə üzvləri ilə birlikdə dünən 17 fevral tarixində, Qusarda dəm qazından zəhərlənərək ölüblər. Ələkbərova onların yas mərasiminə gedirmiş.
