Sumqayıtda yaşayan 7-17 yaşlı uşaqlar “Vətən sevgisinə rəng qat!” adlı rəsm müsabiqəsinə qatılıblar. Sumqayıt24 bu haqda 4 avqust tarixində Report.az-a istinadən xəbər verir.
"Bakcell" şirkətinin dəstəyi ilə keçirilən müsabiqədə gənc rəssamların əsərləri satılıb. Əldə olunan vəsaitə Vətən müharibəsi şəhidlərinin övladları üçün hədiyyələr alınıb. Layihə ümumilikdə 100 şəhid övladını əhatə edib.
Qeyd edək ki, xeyriyyə aksiyasında Sumqayıtla yanaşı Bakı şəhəri və Abşeron rayonundan olan istedadlar da iştirak ediblər. Onların hər birinə sertifikatlar təqdim olunub.
