Bu gün sumqayıtlı şəhidin anım günüdür.
Sumqayit24.az xəbər verir ki, şəhid Nurlan Abdalov 12 iyun 2000-ci ildə Sumqayıt şəhərində anadan olub. 2006-2017-ci illərdə Sumqayıt şəhər 14 nömrəli tam orta məktəbdə təhsil alıb. 2012-2015 -ci illərdə Sumqayıt şəhər Dostluq Mədəniyyət Mərkəzinin Rəssamlıq kursunu bitirib.
2018-ci ildə həqiqi hərbi xidmətə çağırılıb. Hərbi xidmət dövründə vəzifəsi baş sürücü olub, ailəsinə 2 dəfə təşəkkür məktubu göndərilib. Müddətdən artıq hərbi xidmət üçün yenidən ordu sıralarına yazılıb və 2020-ci il yay aylarından etibarən müddətdən artıq hərbi xidmətə başlayaraq, manqa komandiri vəzifəsinə yüksəlib.
Azərbaycan Ordusunun çavuşu olan Nurlan Abdalov 2020-ci il sentyabrın 27-də başlayan 44 günlük Vətən müharibəsində iştirak edib və Füzuli, Cəbrayıl, Zəngilan, Xocavənd uğrunda gedən döyüşlərdə savaşıb. 3 noyabr 2020-ci ildə Xocavənd uğrunda gedən qızğın döyüşlər zamanı şəhid olub. 5 noyabr 2020-ci ildə Sumqayıt şəhər Şəhidlər Xiyabanında dəfn edilib.
Azərbaycan Prezidenti İlham Əliyevin Sərəncamlarına əsasən Nurlan Abdalov ölümündən sonra "Vətən uğrunda", "Xocavəndin azad olunmasına görə", "Laçının azad olunmasına görə" və "Füzulinin azad olunmasına görə" medalları ilə təltif edilib.
