Sumqayıt şəhərində Roza Zərgərlinin oğluna ev verilib. Bu haqda bu gün, 6 iyul tarixində Baku.ws-a istinadən xəbər veririk.
Məlumata əsasən, mügənninin övladlığa götürdüyü Corc Qafarova Sosial Xidmətlər Agentliyi tərəfindən mənzil təqdim olunub.
"2 saylı uşaq evinin yetirməsi olduğuma görə Sosial Xidmətlər Agentliyinə evimin olmaması ilə bağlı müraciət etdim. Mənə Sumqayıt şəhərində yerləşən sosial evlər layihəsi çərçivəsində 1 otaqlı ev verilib", - deyə Corc bildirib.
Qeyd edək ki, Qafarov 11 yaşından aktyor fəaliyyətinə başlayıb. O, Azərbaycan Dövlət Mədəniyyət və İncəsənət Universitetinin Dram-Kino aktyorluğu ixtisası üzrə təhsil alıb. Corc 2019-cu ildən Suraxanı Rayonu, Qaraçuxur bələdiyyəsinin üzvüdür.
