Sumqayıt sakinini 8 canavar parçalayıb. Bu haqda 5 fevral tarixində Sumqayıt24 Metbuat.az-a istinadən məlumat verir.
Faciə ilə bitən hadisə gecə saatlarında Rusiya ərazisində, Kalmıkiya Respublikasının paytaxtı Elista şəhərinin 40 kilometrliyində baş verib. İşləmək üçün ora yollanan Sumqayıt şəhər sakinini yolda 8 canavar parçalayıb.
“O şəxs işə yeni başlamışdı, ilk reysi idi. Maşını yolda saxlayıb, ayaqyoluna gedib. Üstündən 30 saniyə keçməyib ki, qışqırıq səsləri gəlib.
Hava o gün çox dumanlı olub. Qaça-qaça maşına tərəf gəlib, yerə yıxılıb. Digər maşında olan iş yoldaşı elə bilib ki, hürən çoban itləridir.
Canavarlar onu gəmirə-gəmirə maşından uzağa aparıblar. Həmin şəxs qorxudan maşından aşağı düşməyib. Aidiyyəti orqanlara zəng edib, üstündən 1 saat keçməsinə baxmayaraq, gəlib canavarların hamısını öldürüblər”, – deyə bildirilib.
[modula id="49489"]
