Sumqayıtda yaşayan Vətən Müharibəsi Qəhrəmanı, şəhid Camal İsmayılovun ailəsi ziyarət edilib. Bu haqda bu gün, 24 fevral tarixində AZƏRTAC xəbər verir.
Sumqayıt RMİ-nə tabe olan Mərkəzləşdirilmiş Kitabxana Sisteminin Nizami Gəncəvi adına Kitabxana-Klubunun əməkdaşları şəhid ailəsinin qonağı olublar. Onlar ailənin problemləri ilə maraqlanıblar.
Şəhid kəşfiyyatçı Camal İsmayılov 2002-ci ildən etibarən Xüsusi Təyinatlı Qüvvələrdə xidmət edib. O, 2020-ci ilin sentyabr ayında başlanan Vətən müharibəsində Cəbrayıl, Füzuli, Qubadlı rayonları, həmçinin Ərgünəş yüksəkliyi və Hadrut uğrunda gedən döyüşlərdə qəhrəmanlıq göstərib. Camal 2020-ci il oktyabrın 19-da Qubadlı istiqamətində gedən döyüşlərdə şəhidlik zirvəsinə ucalıb.
Şəhid İsmayılov ölümündən sonra “Vətən Müharibəsi Qəhrəmanı” adına layiq görülüb. O, “Füzulinin azad olunmasına görə”, “Cəbrayılın azad olunmasına görə”, “Xocavəndin azad olunmasına görə” və “Vətən uğrunda” medalları ilə təltif edilib.
