Sumqayıtlı şəhid Rüfət Mustafayevin xatirəsinə həsr olunmuş qəhrəman günü keçirilib. Bu haqda bu gün, 1 mart tarixində Mərkəzləşdirilmiş Kitabxana Sistemi məlumat yayıb.
İkinci Qarabağ müharibəsi şəhidi olan Rüfətin təhsil aldığı 18 nömrəli tam orta məktəbdə onun şəkil-barelyefinin qarşısında “Vətən sevgisini üstün tutan igidim” adlı tədbir baş tutub.
Rüfət Mustafayev 12 mart 1996-ci ildə Sumqayıt şəhərində anadan olub. 27 sentyabr tarixində başlanmış Vətən müharibəsinə əsgər Mustafayev də qatılmışdır. 2020-ci il oktyabrın 9-dan 10-a keçən gecə Ağdərə istiqamətində gedən döyüşlər zamanı idarə etdiyi minik avtomobili ilə minaya düşərək komandiri Polkovnik-leytenant Cəfərov Zaur ilə birlikdə qəhrəmancasına şəhid olmuşdur. O, Sumqayıt Şəhidlər Xiyabanında dəfn edilib.
Mustafayev ölümündən sonra “Vətən uğrunda”, “Cəsur döyüşçü”,
“Suqovuşanın azad olunmasına görə” və “Vətən müharibəsi iştirakçısı” medalları ilə təltif edilib.
