Saray qəsəbəsində şəhid Şamil Nəcəfovun xatirəsinə bulaq inşa edilib. Sumqayıt24-ə bu haqda sakinlər xəbər verib.
Bulağın açılış mərasimində şəhid ailələri, dövlət nümayəndələri, şəhidin təhsil aldığı məktəb və universitetin müəllimləri, həmçinin digər sakinlər iştirak ediblər. Tədbirdə məktəblilər çıxış edərək müxtəlif şeirlər səsləndiriblər.
Şamil Nəcəfov 1 oktyabr tarixində Murov istiqamətində gedən döyüşlərdə şəhidlik zirvəsinə ucalıb. Ölümündən sonra "Hərbi xidmətlərə görə" və "Kəlbəcərin azad olunmasına görə" medaları ilə təltif olunub. [modula id="12370"]
