Sumqayıtda Novruz bayramı münasibətilə şəhid və qazi ailələrinin övladları üçün bayram şənliyi təşkil olunub. Bu haqda bu gün, 19 mart tarixində AZƏRTAC xəbər verib.
Təbdir Heydər Əliyev Mərkəzində keçirilib. Burada yeniyetmə və gənclərin əl işləri olan rəsmlər sərgilənib. Şənlikdə şəhid və qazi övladlarından ibarət "Əmanət" xor kollektivinin ifasında vətənpərvərlik ruhunda mahnılar səsləndirilib. Tədbirdə Kosa və Keçəlin sərgüzəştləri, “Günəşim” kukla teatrının “Balıqçı pişik” tamaşası da qonaqlara təqdim olunub.
Şənlikdə Milli Məclisin deputatı Müşfiq Məmmədli, Gənclər və İdman İdarəsinin rəisi Elgün Hümbətov, Sumqayıt Şəhər İcra Hakimiyyətinin nümayəndələri iştirak ediblər.
