Sumqayıtda Vətən müharibəsi şəhidinin doğum günü qeyd olunub. Bu barədə 23 avqust tarixində 2 nömrəli UGİM-in Facebook səhifəsinə istinadən xəbər veririk.
Sumqayıt şəhər 2 nömrəli Uşaq-Gənclər İnkişaf Mərkəzinin bir qrup üzvü şəhid Asiman Allahverdiyevin məzarını ziyarət edib. İştirakçılar məzarın önünə gül dəstələri düzüblər və şəhidin ruhuna dualar oxuyublar.
Allahverdiyev 1998-ci il avqustun 23-ü Sumqayıt şəhərində anadan olub. Xüsusi təyinatlı qrup giziri, qəhrəman Asiman Allahverdiyev Füzuli şəhərinə daxil olan ilk kəşfiyyatçılardan biri olub. 2020-ci il, oktyabrın 9-da Füzuli rayonu ərazisində döyüş tapşırığını yerinə yetirərkən düşmən tərəfindən açılan atəş nəticəsində aldığı güllə yarasından şəhid olub.
Asiman olümündən sonra "Hərbi xidmətlərə görə" və "Füzulinin azad olunmasına görə" medalları ilə təltif edilib.
