Bu gün şəhid Niyaməddin Ələkbərovun mövlud günüdür. Şəhidimizin 33 yaşı tamam olacaqdır.
Bununla əlaqədar Şəhidlər Xiyabanında anım mərasimi keçirilib. Tədbirdə şəhidin yaxınlar, dostları, döyüş yoldaşları və İH-nin əməkdaşları iştirak ediblər.
Niyaməddin 12 iyul 1989-cu ildə Sədərək rayonunda dünyaya gəlib. Kiçik yaşlarında ailəsi ilə birlikdə Sumqayıtda köçüb. Qəhrəmanınız 35 saylı məktəbi bitirib. Ali təhsini yarımçıq qoyaraq hərbi xidmətə yola düşüb. Hərbiyə marağı olan Niyaməddin müddətdən artıq xidmət edərək ordu sıralarında 13 il qulluq edib.
Vətən müharibəsi zamanı Füzulinin azadlığı uğrunda gedən döyüşlərdə savaşıb. Niyaməddin Ələkbərov oktyabrın 2-də Füzuli döyüşləri zamanı şəhid olub. İgidimiz Sumqayıt şəhər Şəhidlər Xiyabanında dəfn edilib.
Şəhid 4 uşaqlı ailənin 3-cü ovladıdır, subay olub.
Niyaməddin Ələkbərov ölümündən sonra 3-cü dərəcəli "Vətənə xidmətə görə" ordeni, "Vətən uğrunda" və "Füzulinin azad olunmasına görə" medalları ilə təltif edilib.
