Sumqayıtda Vətən müharibəsi şəhidinin xatirəsi anılıb. Bu barədə 22 oktyabr tarixində Tibb Mərkəzinə istinadən xəbər veririk.
Şəhid Sərxan Əliyevin anım mərasimində ictimaiyyət nümayəndələri, şəhidin ailə üzvləri, dostları, döyüş yoldaşları ilə yanaşı, Sumqayıt Tibb Mərkəzinin (STM) direktoru Səkinə Sadıxova da iştirak edib.
Tədbirdə çıxış edənlər Vətən müharibəsində Azərbaycan oğullarının qəhrəmanlığından danışıblar. Şəhidin valideynləri İslam Əliyev və Esmira Pərvanəyeva övladları haqqında xatirələrini bölüşüblər.
Sərxan ölümündən sonra "Vətən uğrunda" və “Füzulinin azad olunmasına görə" medalları ilə təltif edilib.
