Sumqayıtda şəhid Tərlan Fətullayevin anım tədbiri keçirilib. Bu haqda 25 oktyabr tarixində Sumqayıt24 xəbər verir.
Xidmət Sahələri üzrə Sumqayıt Dövlət Peşə Təhsil Mərkəzi tərəfindən təşkil olunan tədbirdə şəhid ailəsinin üzvləri, mərkəzin əməkdaşları, məktəbin müəllim və şagird kollektivi iştirak ediblər.
Əvvəlcə şəhidlərimizin xatirəsi bir dəqiqəlik sükutla yad edilib. Daha sonra Vətən müharibəsi barədə şagirdlər tərəfindən ətraflı məlumat verilib.
Toplantı ədəbi-bədii hissə ilə davam edib. Şagirdlərin ifasında vətənpərvərlik mövzusunda müxtəlif kompozisiyalar, şeirlər səsləndirilib.
Sonda Şəhidlər xiyabanında şəhidin məzarı ziyarət edilib və xatirə şəkilləri çəkdirilib.
[modula id="44472"]
