Sumqayıtda 1-ci Qarabağ müharibəsinin şəhidi Balakişi Hüseynovun xatirəsi anılıb. Sumqayıt24 bu barədə 27 yanvar tarixində Regional Mədəniyyət İdarəsinə istinadən xəbər verir.
Şəhidlər xiyabanında baş tutan tədbirdə Qubadlı RİH başçısının müavini Allahverdi Haqverdiyev və digər məsul işçilər, YAP-nin rayon Təşkilatının sədri Təhmasib Rüstəmov, şəhidin ailə üzvləri, rayon ictimaiyyəti, mədəniyyət işçiləri iştirak ediblər.
Öncə bütün şəhidlərin əziz xatirəsi bir dəqiqəlik sükutla yad edilib. Aparıcı şəhidin keçdiyi şərəfli həyat yolu haqqında geniş məlumat verib. Ruhuna dualar oxunub, məzarı önünə gül dəstələri qoyulub.
