Sumqayıtda 9 şəhidimizin xatirə barelyefinin açılışı olub. Bu haqda Sumqayıt24 6 avqust tarixində Qubadlı Rayon İH-nə istinadən xəbər verir.
Belə ki, 19-cu məhəllədə qoyulmuş barelyef 1992-ci ilin 6 avqust tarixində Qubadlı rayon Qarağaclı kənd inzibati ərazi dairəsi üzrə nümayəndəliyindən şəhid olmuş hərbçilərimiz - Milli qəhrəman Bəylər Ağayev, Qabil Quliyev, Şirin Ağayev, İlham Əliyev, Vidadi İsmayılov, Savalan Eminov, Babək Cəfərov, Şirin Şirinov və Aslan İsmayılova həsr olunub.
Tədbirdə Qubadlı rayon İcra Hakimiyyəti başçısının müavini Allahverdi Haqverdiyev, şəhidlərin döyüş yoldaşları və ailə üzvləri iştirak ediblər. Onlar Bədii Qiraət dərnəyinin üzvləri Məhərrəm Məmmədli, İsaq Əlizadə, Əli Hüseynov və s. səsləndirdikləri vətənpərvərlik ruhunda şeir parçalarını dinləyiblər.
