Sumqayıtda Vahid Əzizin Dövlət Mükafatına təqdim edilmiş kitabı müzakirə olunub. Sumqayıt24 bu haqda Xeberle.com-a istinadən xəbər verir.
Tədbir Təbiət elmləri təmayüllü Gimnaziyada keçirilib. Burada iştirakçılara "Param-parça illər..." kitabı haqqında geniş məlumat verilib. Kitaba daxil edilmiş şeirlər xalqımızın ötən 29 il ərzində doğma Qarabağımızın, müqəddəs Şuşamızın nisgili və 2020-ci ildə qüdrətli ordumuz tərəfindən torpaqlarımızın azad edilməsini əks etdirir.
Çıxış edən gimnaziyanın müəllimləri şairə öz rəğbət və ehtiramlarını bildiriblər. Şagirdlər isə onun "Sən mənim əbədi Qarabağımsan!", "Vətən", "Şəhid məzarına gül gətiən qız", " Bilisənmi, Vətən nədir?”, "Dərsə gecikən..." və digər şeirlərini səsləndiriblər.
Sonda Vahid Əzizə görüşdən yadigar olaraq Sumqayıtın son illərdəki tərəqqisi ilə bağlı "Dənizə addımlayan şəhər. Sum qayıtdı...” adlı kitab bağışlanıb.
