Sumqayıtda “Liderlik bacarıqları” mövzusunda təlim keçirilib. Bu haqda KOB İnkişaf Mərkəzinin sosial şəbəkə hesabına istinadən xəbər veririk.
Təlim zamanı, mərkəzin eksperti tərəfindən sahibkarlara biznesdə idarəetmə strategiyalarının formalaşdırılması, lider və işçi münasibətlərinin düzgün qurulması barədə məlumat verilib. Həmçinin, onlara liderlik anlayışının başlıca xüsusiyyətləri, məqsəd və hədəflərin düzgün müəyyən edilməsi, komanda ilə işin effektiv təşkili ətraflı izah olunub.
Sonda iştirakçılarla müzakirələr aparılıb. Sahibkarları maraqlandıran suallar cavablandırılıb.
