Xəbər verdiyimiz kimi, sakinlər binanın həyətində nə uşaqlar üçün oyun meydançası, nə də avtomobillər üçün parkinq şəraitinin olmamasından şikayət edirlər.
Söhbət 10-cu mikrorayonda yerləşən yeni tikilidən gedir. Məsələ ilə bağlı Sumqayıt Şəhər İcra Hakimiyyəti Sumqayit24.az-a açıqlama verib:
Bildirilib ki, qeyd olunan yaşayış binası Mənzil-Tikinti Kooperativi (MTK) tərəfindən inşa olunub. İstismara verilmiş binaların həyətində abadlıq, təhlükəsizlik, parkinq və digər məsələlərə nəzarət birbaşa MTK-nın səlahiyyətinə daxildir.
"Sumqayıt Şəhər İcra Hakimiyyəti tərəfindən sakinlərin qaldırdığı məsələlər müvafiq qurumlar vasitəsilə araşdırılacaq və yaranmış narahatlıqların aradan qaldırılması məqsədilə MTK qarşısında müvafiq tədbirlərin görülməsi üçün məsələ qaldırılacaq."
