İyunun 18-i saat 13:00-dan 17:00-dək istismar müddəti başa çatmış və istifadəyə yararsız döyüş sursatlarının məhv edilməsi prosesi həyata keçiriləcək.
Sumqayit24.az xəbər verir ki, bu barədə Müdafiə Nazirliyi (MN) məlumat yayıb.
Təhlükəsizlik qaydalarına riayət olunmaqla proses Pirəkəşkül qəsəbəsi yaxınlığındakı poliqonda baş tutacaq.
Müdafiə Nazirliyi partlayış səsləri ilə bağlı əhalini təşvişə düşməməyə çağırır və narahatlığa əsas olmadığını diqqətə çatdırır.
Qeyd edək ki, utilizasiya zamanı çıxan səslər Sumqayıtda da eşidilə bilər.
