Fransa senatının bəzi üzvləri tərəfindən Azərbaycana qarşı irəli sürülmüş qətnamə layihəsinə cavab olaraq yaradılmış petisiyaya həm Azərbaycanda, həm də xaricdə yaşayan soydaşlarımız dəstək göstərirlər. Bu məqsədlə Azərbaycan diasporunun nümayəndələri müxtəlif ölkələrdə aksiyalar təşkil ediblər. Sumqayıt24 bu barədə İnsanoid.com-a istinadən xəbər verir.
Bu cür aksiya ilk dəfə 15 oktyabr tarixində Bakıdakı Fransa səfirliyinin qarşısında keçirilib. Daha sonra Azərbaycan diasporunun nümayəndələri oxşar piketləri oktyabrın 19-u Rusiyanın Moskva şəhərində, 26-sı Qazaxıstanın Astana şəhərində, 28-i Qırğızıstanın Bişkək və 30-u Almaniyanın Köln şəhərlərində yerləşən Fransa səfirlikləri və konsulluğu önundə keçiriblər.
Qeyd edək ki, sözügedən petisiya oktyabrın 11-də Fransanın Mesopinions.com saytında yerləşdirilib. Azərbaycan xalqı adından yaradılan müraciətə dəstək günü-gündən artır. Cəmi üç həftə ərzində petisiyanı artıq 64 mindən çox insan imzalayıb. Bizi bu yolda Türkiyə, İran, Qazaxıstan, Özbəkistan və İsraildən da dəstəkləyirlər.
PETİSİYANIN AZƏRBAYCAN DİLİNDƏ İMZALANMA QAYDASI
PETİSİYANIN RUS DİLİNDƏ İMZALANMA QAYDASI
PETİSİYANIN TÜRK DİLİNDƏ İMZALANMA QAYDASI
PETİSİYANIN FARS DİLİNDƏ İMZALANMA QAYDASI
PETİSİYANIN İNGLİS DİLİNDƏ İMZALANMA QAYDASI
PETİSİYANIN QAZAX DİLİNDƏ İMZALANMA QAYDASI
PETİSİYANIN ÖZBƏK DİLİNDƏ İMZALANMA QAYDASI
Bu postun linkini qohumlarınız, dostlarınız və tanışlarınız arasında yayın. Birlikdə biz – qüvvəyik!
Petisiyanın daha çox yayılması üçün bu heşteqlərdən istifadə edək:
#BizAzərbaycanıq, #AzərbaycanıQoruyaq
