Saray qəsəbəsində minlərlə vətəndaşın yaşadığı “Saray-H” MTK-nın baş planında 1200 şagird yerlik məktəbin və 360 yerlik uşaq bağçasının tikilməsi nəzərdə tutulsa da, illərdir bu layihələr icra olunmur.
Sumqayit24.az-a müraciət edən sakinlərin sözlərinə görə, yaşayış massivində əhali sürətlə artsa da, nə bağçadan, nə də məktəbdən xəbər var. Bu isə uşaqların təhsil prosesində ciddi çətinliklər yaradır.
Məsələ ilə bağlı aidiyyəti qurumlar xəbərdar edilsə də, şikayətlərə “barmaqarası” yanaşılır və ümumiyyətlə, qurumlar problemi həll etməkdə maraqlı görünmür.
Sakinlər vəziyyətin tezliklə həllini, məktəb və bağça tikintisinin baş plan üzrə həyata keçirilməsini tələb edirlər.
