İnsanların “Saray” körpüsündən şikayətləri günü-gündən artır. Sumqayıt24 bu haqda 21 oktyabr tarixində xəbər verir.
Xəbər verdiyimiz kimi, Sumqayıt və Saray qəsəbəsini birləşdirən körpüdə çatlar, nahamarlıqlar və çöküntülər yaranıb. Sumqayıt Şəhər İcra Hakimiyyəti zəruri tədbirlər görüləcəyini bildirsə də, vəziyyət dəyişməz qalır.
Memar Muxtar Ərturanın sözlərinə görə, “Saray” körpüsü iritonnajlı yük maşınlarının dayanmasına hesablanmayıb. İşıqforda bir neçə belə maşın gözləsə, o, dözməyə bilər.
Sakinlər yaranmış vəziyyətdən qorxur, narahatlıq keçirir və narazılıq edirlər. Onlar aidiyyəti qurumlardan təcili və təxirəsalınmaz tədbirlərin görülməsini tələb edirlər.
