“Saray postu”nun əməkdaşları körpənin köməyinə çatıblar. Sumqayıt24 bu haqda 9 avqust tarixində Avtosfer.az-a istinadən xəbər verir.
Bakı-Quba yolu ilə hərəkət edən avtomobillərin birində olan uşaq qəfildən qıcolma keçirib. Bu zaman valideynlər Yol Patrul Xidməti Alayının 1-ci tağımının əməkdaşlarına (“Saray postu”) müraciət ediblər.
Dərhal müdaxilə edən inspektorlar partul avtomobili ilə körpəni xəstəxanaya aparıblar. Nəticədə onun həyati təhlükəsi aradan qalxıb.
