Respublika Təcili və Təxirəsalınmaz Tibbi Yardım Mərkəzinə 25.04.2025-ci il tarixində saat 17:30 radələrində Saray qəsəbəsi ərazisindən yenidoğulmuşun boğulması səbəbilə çağırış daxil olub.
Bu barədə Report.az-ın sorğusuna cavab olaraq bildirilib.
Qeyd edilib ki, çağırış ünvanına təcili tibbi yardım briqadası cəlb olunub. Təcili tibbi yardım briqadası tərəfindən 24.03.2025-ci il tarixli yenidoğulmuşun (cinsi qız) həkiməqədər ölüm faktı qeydə alınıb.
Ailənin bildirdiyinə görə, yenidoğulmuş çimizdirilərkən boğulub.
Saat 09:52
Saray qəsəbəsində 1 aylıq körpə evdə dünyasını dəyişib.
Lent.az-ın məlumatına görə, 24.03.2025-ci il təvəllüdlü İnci Quliyeva yaşadığı evdə nəfəs çatışmazlığından ölüb.
Faktla bağlı araşdırma aparılır.
