Saray qəsəbəsində yerli sakinlər borcları olmadığı halda elektrik enerjisinin kəsildiyini iddia edirlər.
Sumqayit24.az-a müraciət edən vətəndaşların sözlərinə görə, onlara əvvəlcədən heç bir xəbərdarlıq edilmədən işıqları kəsilib.
Bundan əlavə, bəzi ərazilərdə elektrik naqillərinin qırılaraq yerə düşdüyü bildirilir ki, bu da sakinlər üçün ciddi təhlükə yaradır.
Vətəndaşlar aidiyyəti qurumlardan məsələyə aydınlıq gətirilməsini və problemin qısa zamanda aradan qaldırılmasını tələb edirlər.
Qeyd edək ki, məsələ ilə bağlı aidiyyəti quruma sorğu ünvanlanıb.
