Saray qəsəbəsində işıq dirəyində yaranan vəziyyət narahatlıq doğurub.
Sumqayit24.az-a daxil olan məlumata görə, “internatın kruqu” kimi tanınan ərazidə işıq dirəyi təhlükəli vəziyyət yaradıb.
Görüntülərdən də aydın olur ki, dirək əyilib və hazırda da aşmağa meyillidir.
Vətəndaşlar bildirirlər ki, bu vəziyyətin yaranma səbəbi yük maşınlarıdır. Sürücülər maşını kor-koranə arxaya verirlər. Belə məsuliyyətsizlik də təhlükəli halların yaranmasına səbəb olur.
“Bu yeri biz vətəndaşlar avtobus dayanacağı kimi istifadə edirik. Möhkəm külək əssə, işıq dirəyi kimsənin üzərinə aşa bilər”,- deyə şikayətçilərdən biri narahatlığını ifadə edib.
Yerli sakinlər aidiyyəti qurumlardan problemin tezliklə həll edilməsini tələb edirlər.
