Saray qəsəbəsinin sakinlərindən yol və küçə işıqlandırılması ilə bağlı şikayət var.
Sumqayit24.az-a daxil olan məlumata görə, Üzümlük yaşayış massivində yollar uzun müddətdir baxımsız vəziyyətdədir.
Sakinlərin sözlərinə əsasən, yay aylarında toz-torpaq, qışda isə palçıq səbəbindən hərəkət etmək çətinləşir. Xüsusilə məktəbə gedib-gələn uşaqlar bu vəziyyətdən ciddi əziyyət çəkirlər.
Eyni zamanda, vətəndaşlar qeyd ediblər ki, ərazidə küçə işıqları yoxdur. Bu isə gecə vaxtı həm nəqliyyat vasitələrinin, həm piyadaların hərəkətində problemlər yaradır.
Bundan başqa, yaşayış massivindəki elektrik dirəklərindən birinin aşmaq təhlükəsi ilə üzləşdiyi qeyd olunur.
Vətəndaşlar müvafiq qurumlardan sadalanan problemlərin həllini tələb edirlər.
