Saray qəsəbəsindən Sumqayıt istiqamətinə və əks istiqamətə hərəkət edən sürücülər günün istənilən saatında bu yolda tıxacda qalırlar.
Səbəb sözügedən yolda qazıntı işlərinin aparılması, eləcə də yeni istifadəyə verilən körpüdə təmir işlərinin görülməsidir.
Vətəndaşlar deyirlər ki, 2 aydan çoxdur bu yolun vəziyyəti belədir. Ərazidə çalışanların da az olması təmir işinin ləng getməsinə səbəb olur.
“İşçilərin sayını artırsınlar, biz də əziyyət çəkməyək. Xüsusilə axşam saatlarında böyük tıxac yaşanır, bura keçilməz olur”, – deyə sürücü narazılıq bildirib.
Məsələ ilə bağlı Azərbaycan Avtomobil Yolları Dövlət Agentliyindən isə bildirilib ki, ərazidə tıxacın yaranmasına səbəb Samur-Abşeron kanalı üzərində yerləşən yeni körpünün yanaşma yollarının genişləndirilməsidir.
Ətraflı Baku Tv-nin süjetində:
https://www.youtube.com/watch?v=-zW9Gyx8WPg
