Saray qəsəbəsi, Heydər Əliyev küçəsinin işıqlandırılmaması ilə bağlı açıqlama verilib.
Abşeron Rayon İcra Hakimiyyətindən Sumqayit24.az-a bildirilib ki, “Bakı Abadlıq” MMC tərəfindən rayon ərazisində 2021-2023-cü illər ərzində 108 küçədə 4937 ədəd dirəkdən ibarət küçə işıqları quraşdırılıb:
“Bakı Abadlıq” MMC tərəfindən Abşeron Rayon İcra Hakimiyyətinə küçə işıqlarının təhvil götürülməsi üçün müraciət olunub. Bununla əlaqədar balansa götürülməsi və 1 günlük xərc normasının təsdiq olunması ilə bağlı proseslər aparılır. Bu dövr ərzində “Bakı Abadlıq” MMC işıqlandırma sistemlərinə xidməti dayandırıb.
Küçə işıqları balansa götürüldükdən sonra Abşeron RİH ayrılacaq vəsait daxilində təmir işlərini həyata keçirəcək”.
Xatırladaq ki, sözügedən küçədə işıq dirəkləri olsa da, 10 ilə yaxındır ki, onlar elektrik xəttinə qoşulmur.
Qaranlığa görə burada tez-tez yol nəqliyyat hadisələri baş verir. Gah avtomobillər toqquşur, gah da ki, maşın insanları və ya heyvanları vurur.
