Bakı-Sumqayıt sürət qatarında ciddi problem yaşanıb. Sumqayıt24 bu haqda 19 sentyabr tarixində Bakupost.az-a istinadən xəbər verir.
Hadisə bu gün səhər baş verib. Şikayətçilər bildiriblər ki, onlar saat 9:00 radələrində 1 saat 9 dəqiqə qatarda qalmalı olublar.
“Belə rəzalət olmaz. Yolun yarısında qalmışdıq. Stansiya olmadığı üçün bu qatardan o qatara keçiriblər. Nə qatar gedir, nə də qapını açırlar. İçəridə aləm bir-birinə dəymişdi. Sərnişinlərdən halı pisləşənlər oldu. Belə tragikomediya görünməyib. Azərbaycan Dəmir Yollarının xidmət səviyyəsi çox sürətlə “inkişaf” edir”, – deyə sərnişinlərdən biri bildirib.
