Sumqayıtda 2 ay davam edəcək "Əsas Həyat Bacarıqları" proqramına start verilir. Sumqayıt24 bu haqda Gənclərin İnkişaf və Karyera Mərkəzinin sosial şəbəkə hesabına istinadən xəbər verir.
Proqram çərçivəsində 16 mövzuda təlimlər keçiriləcək. Onlar gənclərə şəxsi inkişaf, özünə inam, stresə davamlılıq və məqsədlərini müəyyənləşdirməyə töhfə verəcək.
Burada müxtəlif praktiki tapşırıqlar, master-klaslar, enercayzerlər və interaktiv oyunlar təşkil olunacaq.
Ödənişsiz və sertifikatlı proqama qoşulmaq üçün 9 aprel (daxil) tarixinədək linkdə qeydiyyatdan keçmək lazımdır.
Qeyd edək ki, proqram "UNICEF"-in Azərbaycandakı nümayəndəliyinin tərəfdaşlığı ilə həyata keçirilir.
