Sumqayıt Dövlət Universiteti IX Bakı Beynəlxalq Kitab Sərgisində iştirak edir. Bu haqda 11 noyabr tarixində Sumqayıt24 xəbər verir.
Ümummilli Lider Heydər Əliyevin 100 illik yubileyinə həsr olunan sərgi Bakı Ekspo Mərkəzində keçirilir.
Burada universitetin nəşr etdiyi 200-dən çox dərslik və dərs vəsaiti, elmi xəbərlər, konfrans materialları, eləcə də professor-müəllim heyətinin son illərdə müxtəlif dillərdə nəşr etdirdiyi kitablar nümayiş olunur.
SDU-nun stendi sərgi iştirakçılarının marağına səbəb olub. Qonaqlara stenddə nümayiş olunan nəşrlər barədə məlumat verilib. Sərgi noyabrın 15-dək davam edəcək.
