Sumqayıt Dövlət Universitetində (SDU) Tələbə Elmi Cəmiyyətinin (TEC) elmi seminarı keçirilib. Sumqayıt24 bu haqda 15 mart tarixində xəbər verir.
Tədbir Tarix və coğrafiya fakültəsinin Azərbaycan və Şərqi Avropa xalqları tarixi kafedrasında təşkil olunub. Çıxışçılar rektor, professor Elxan Hüseynov, dekan, professor Adil Baxşəliyev və kafedra müdiri, professor Şirxan Səlimov ali təhsil ocağının inkişafından, gənclərin elmə marağının artırılması və tədqiqat bacarıqlarının inkişafı istiqamətində Sumqayıt Dövlət Universitetinin fəaliyyətindən danışıb, TEC-in gördüyü işləri müsbət dəyərləndiriblər.
Sonda tələbələr məruzə ilə çıxış ediblər. Məruzələr ətrafında maraqlı diskussiyalar aparılıb.
