Heydər Əliyev məktəbinin “Heydər Əliyev və Azərbaycanda qadın siyasəti” mövzusunda genişləndirilmiş məşğələsi keçirilib. Bu haqda 8 mart tarixində Sumqayıt Dövlət Universitetinə (SDU) istinadən xəbər veririk.
Tədbir SDU-nun Kiçik Akt zalında təşkil olunub. Rektor, professor Elxan Hüseynov universitetin ictimai həyatında öz fəallığı ilə fərqlənən, bir qrup xanım əməkdaşa fəxri fərmanlar verib.
Azərbaycan və xarici ölkələr ədəbiyyatı kafedrasının professoru Rafiq Əliyev “Heydər Əliyev və Azərbaycanda qadın siyasəti”, Bərk cisim və yarımkeçiricilər fizikası kafedrasının dosenti Xəyalə Əliquliyeva “Birinci vitse-prezident Mehriban Əliyeva Azərbaycan dövlətçilik institutunun modern rəhbəri, siyasi-ictimai xadimidir”, Mühəndislik fakültəsinin dekanı, dosent Ulduz Ağayeva “Azərbaycan qadını bütün tarixi dövrlərdə öz fədakarlığı ilə seçilmişdir”, Beynəlxalq əməkdaşlıq və əcnəbi tələbələr şöbəsinin müdiri Sədaqət Fətullayeva “Azərbaycan qadınlarının müstəqil dövlətimizin inkişafında rolu”, İqtisadiyyat və idarəetmə fakültəsinin 1-ci kurs tələbəsi Süsən İbrahimli “Milli dövlətçilikdə və bəşəri humanizmdə Leyla Əliyeva əsas simalardan biridir” mövzularında çıxış ediblər.
