Sumqayıt Dövlət Universitetində (SDU) prezident seçkilərində ilk dəfə səs verəcək gənclərlə növbəti maarifləndirici görüş keçirilib. Bu haqda 23 yanvar tarixində Sumqayıt24 xəbər verir.
Toplantı Azərbaycan Tələbə Gənclər Təşkilatları İttifaqının (ATGTİ) təşkilatçılığı və Mərkəzi Seçki Komissiyasının (MSK) dəstəyi ilə baş tutub.
Ali təhsil müəssisəsinin Sosial məsələlər və ictimaiyyətlə əlaqələr üzrə prorektoru dosent Elmar Xəlilov çıxışında səsvermədə ilk dəfə iştirak edəcək gənclərə seçki prosesi haqqında ətraflı məlumat verib. Səsvermə hüququ qazanmış gənclər seçicinin hüquq və vəzifələri haqqında, seçici siyahılarının yoxlanması, siyahılara daxil edilmə qaydaları, ölkə ərazisində başqa yerdə səsvermə qaydaları haqqında məlumatlandırılıblar.
Görüşün sonunda tələbələri maraqlandıran suallar cavablandırılıb.
