SDU-da rektorluğun növbəti iclası keçirilib. Sumqayıt24 bu barədə 14 noyabr tarixində Sumqayıt Dövlət Universitetinə istinadən xəbər verir.
İclası açıq elan edən SDU-nun rektoru professor Elxan Hüseynov iştirakçıları salamlayıb, gündəlikdə olan məsələləri nəzərə çatdırıb, universitetin tədris-elmi fəaliyyəti üzrə inkişafından və təhsil müəssisəsinin 60 illik yubileyinə hazırlıq işlərindən danışıb.
2022-2023-cü tədris ilinin payız semestrində keçirilmiş I kollokviumun nəticələri və II kollokviuma hazırlıq barədə Tədris Metodiki Mərkəzin direktoru Faiq Şirinov çıxış edib.
Toplantıda universitetdə keçiriləcək akkreditasiya prosesinin işinə nəzarət Elm və innovasiyalar üzrə prorektor professor Ramazan Məmmədova tapşırılıb.
Aparılan müzakirələrdən sonra müvafiq qərarlar qəbul edilib və rektorluğun iclası öz işini başa verib.
