Sumqayıt Dövlət Universitetində (SDU) “Sarı gəlinin sorağında” tammetrajlı sənədli filminin təqdimat mərasimi keçirilib. Bu haqda 22 noyabr tarixində Sumqayıt24 xəbər verir.
“Qərbi Azərbaycan: maddi və mədəni irsimiz” layihəsi çərçivəsində baş tutan tədbir Azərbaycan Kinematoqrafçılar İttifaqı tərəfindən həyata keçirilib.
Açılış nitqi ilə çıxış edən Azərbaycan və xarici ölkələr ədəbiyyatı kafedrasının müdiri professor Avtandil Məmmədov iştirakçıları salamlayıb, Qərbi Azərbaycanın tarixi və mədəni irsinin araşdırılması və təbliğ olunması üçün görülən işlərdən danışıb. Daha sonra sənədli film nümayiş olunub.
Xatırladaq ki, süjet xətti “Sarı gəlin” xalq mahnısının və Hikmət Babaoğlunun “Akdamardan Sarı Gəlinədək erməni yalanı” əsərinin motivləri üzərində qurulan “Sarı gəlinin sorağında” tammetrajlı sənədli filminin əsas məqsədi Qərbi Azərbaycan ərazisindəki maddi-mədəni irsimizin təbliği, 200 ilə yaxındır ki, ermənilərin bu irsin məhv edilməsi yönündə fəaliyyətlərinin ifşasıdır.
