Sumqayıt Dövlət Universitetində “Şuşa mədəniyyətinin inciləri” mövzusunda sərgi - müsabiqə təşkil edilib. Bu haqda bu gün, 19 may tarixində Sdu.edu.az-a istinadən xəbər veririk.
Sərgidə Sumqayıt Dövlət Dram Teatrının quruluşçu rəssamı Nizami Dadaşov, teatrın rəssamı Arif Müzəffərov, rəssam Aslan Müşviq və SDU-nun Tələbə-gənclər klubunun tərtibatçı rəssamı Subhanə Məmmədli 10 ballıq sistem üzrə gizli səsvermə yolu ilə tələbələrin əl işlərini qiymətləndiriblər.
Müsabiqənin son nəticəsinə görə, I yerə Mühəndislik fakültəsinin III kurs tələbəsi Ceyran Məmmədova ilə Kimya və biologiya fakültəsinin III kurs tələbəsi Mələk Bayramova, II yerə İqtisadiyyat və idarəetmə fakültəsinin II kurs tələbəsi Nuranə Abbasova, III yerə isə İqtisadiyyat və idarəetmə fakültəsinin II kurs tələbələri Anar Quluzadə və Səxavət Cabbarlı layiq görülüblər.
