SDU-nun tələbələri arasında rəsm və əl işləri müsabiqəsi keçirilib. Sumqayıt24 bu barədə 3 noyabr tarixində Sumqayıt Dövlət Universitetinə istinadən xəbər verir.
“Mənim doğma universitetim” mövzusunda keçirilən müsabiqə sözügedən universitetin yaradılmasının 60 illik yubileyi münasibətilə təşkil olunub. Sərgidə 30 rəsm əsəri nümayiş olunub. Rektor professor Elxan Hüseynov çıxış edərək 60 yaşlı universitetin tarixinə nəzər salıb. O, tələbələrin əl işləri və rəsm əsərlərindən ibarət müsabiqəni də yüksək qiymətləndirib.Sonda 10 ballıq sistem üzrə gizli səsvermə yolu ilə tələbələrin əl işləri qiymətləndirilib.
Müsabiqənin nəticəsinə görə:
1-ci yerə Mühəndislik fakültəsinin 4-cü kurs tələbəsi Ceyran Məmmədova;
2-ci yerə Mühəndislik fakültəsinin 2-ci kurs tələbəsi Aytac Məmmədova, eləcə də Tarix və coğrafiya fakültəsinin 1-ci kurs tələbəsi Səbinə Quliyeva;
3-cü yerə isə İqtisadiyyat və idarəetmə fakültəsinin 4-cü kurs tələbəsi Kəmalə İbişli layiq görülüblər.
